حكاية عصفور _ بقلم عمر امبابي

( حكاية عصفور )

عصـفور .. طاير بـيـرفـرف

بجــناحـه زي العصـــافـــير

ما يهـمه اتغدى ولا اتعشى

ولا لابس ف جناحه حرير

أيَّـامــه .. كـلـــهـا بتـعـدي

وربـيـــعـه زي الأمـشــيـر

ماهُوْ ساكن ف العشة لوحده

ولا عـنده زوجة ولا سـرير

ولا عـنده أحــلام وأمــاني

ولا شــاغـل عقـله بتفكـير

وف مــرة مـاشي يتمخـتر

ويقطع ف زهــور الغـيـر

اتخبطت كراسة ف وشه

ملــيـانـة رســــم وتحـبـيـر

وداهـــا لـلـــواد الـنـاصــح

الـقـاري أبـو عـقـل كـبـيـر

فسرلـه القصد من الرسـمة

وشـــرحـلـه كــل التسـطير

من يومها أحلامه اترسمت

وبــقـالـه عـــقـل وتـفـكـيـر

وبــنـالـه أعشاش ومـدارس

ومشافي للمـرضـى كـتـيـر

واتجــوز عصـفورة جميلة

فـرشـتـلـه جنة وأزاهـــيـر

عمر امبابي