الحاضر أفضل من القادم ؛_ بقلم الكاتب / عبد المجيد الديّهي ؛

.
.
تــــــرنـــيــمـــات إبــــــــداعـيـة ؛
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
.
بقلم الكاتب / عبد المجيد الديّهي ؛
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
.
الحاضر أفضل من القادم ؛
,,,,,,,,,,,,,,,,,,,,,,,,,,,,,,,,,,,
.
.
ياحبيبي
أنا قلبي عاشق
واسمحلي بكلمتين
أنا مش قادر أهاجر
وعايش لابس هدمتين
والجوع عايزني
أسرق معزتين
واحدة بترضع عيالها
من حمارة
والدة جحشتين
والثانية رافعة
ديلها ومتزَّوْقَة
وحاطة كحل
الدمع فِ العنين
اسكت ياصايم
خليِّ السر نايم
دا عشانا طول عمرنا
فول طحين
والبرسيم خلاص
بقي أغلي
من ثمن
سعر الشعير
مد بوزه
الجدي الخايب
وشمشم
في روث البهايم
نفسه يمصمص
حبتين
حبة فاضية
نخر عظامها
دود الزرايب
والثانية نابته
في ظل النوايب
عود فول
أخضر جميل
أوعي تصدقني
يا حبيب قلبي
دي ممكن تكون
أحلام عبيط
ياما شاف
ويا ما عاش
أحزان سنين
ودي تخاريف أهبل
عايز يلملم
أوجاع الفقراء
الغلابة المساكين
إلليِّ عايشين
علي ريحة الطبيخ
وأوعي ياخدك غرورك
وتنسي إنك إنسان
مسكين ضعيف هفتان
فارد حزن قلبه ع البيبان
ونبض شوقه يأكل عياله
رغيف نضيف
خالي م المسمار
يا سيدي خلاص
الوهم وليّ وراح
وشمس الصباح
فارده قلاعها ع البلاد
وضوء القمر غني
في ظل ظلاله الأولاد
جرب يا حبيبي
تشوف النوم
بألوان الطيف
هتلاقي الشوق
قدر مكتوب
ولو تقدر تداري العين
ريحة الخوف
خفافيش الليل
عارفة طريق الروح
مين يقدر
يوشوش النجوم
ويضرب الودع
وينام ع البيض
مين يقدر
يرجع فجر الصبر
ويغني علي باب الدار
مواويل زمان
مين يقدر
يلاعب الصرصار
ويرقص ديله
رقصة الغازية ع المزمار
مين يقدر
يصطاد السحلية ع الجدار
أنا نفسي أضحك
نفسي أبكي
نفسي أداعب
همس دمعي
نفسي أقلع هدومي
نفسي أجري
نفسي أخرج من جنوني
نفسي أطلق همومي
نفسي أحكي
عن أهلي وناسي
ونبض حزني
نفسي أسرسب
دموع ظنوني
مسكنات الدمع
أرخص م السكات
مين في بلدنا
يقدر يسمعني
فؤاد قلبي
صمته بيوجعني
من كام سنة
وحدود الشوف
خريف ملهوف
وغواص بحرالنغم
نفسه يشوف
إيمان وآمان
يا ضي قمرالليل السكران
أنا تعبان
أمواج المد والجزر
هلهلت الأبواب
والبحر هاج وماج
وسمكاته أصبحت قربان
وموظف الحكومة
صار مرضان وندمان
وأحزان الفقير
بقت ألحان
والمسكين الغلبان
مالوش مكان
وترجمان لسانه
أصوات غربان
وعصافير الأطفال
ضفاف آلام
وخطوط المد
صارت نار
وغلاء الأسعار
لونت سواقط الضباب
والنواب والنظام
والحكومة أصبحوا أحباب
مجاملات وملامسات
فكرية ع الأطباق
غرغرينة فضائيات
بتحكي إللي فات
وتلمع الحديد الصدأ
وتدهنه ألوان
وترسم صور الحق باطل
ولا إعتراض
وغربان البوم
هشهشوا العصفور
أصل الحكاية يا أحباب
عملية نفاق
وزيادة عوائد
من دم شعب غلبان
وفرض ضرائب
علي نفس الدخان
أنا ضد الدخان
وضد الكهرمان
وضد فرض رسوم
جديدة ع الغلبان
يا ناس يا هوه
يا أهل البصيرة
المسيرة في حشايا
المكر الخبيث
وتجار الجشع
فضوا بكارة
ثورة الضمير
وإستغلوا الموقف
ولا إنتظار للغريق
فراشات الأحلام
سقطت في العميق
ومغامرات فوارس
زمن النعيق
لطخت ثوابت
ثورة التصحيح
عصابات مأجورة
ومتسلطة ع البلاد
والعباد من أهل الديار
عشقوا التغيير
المهر غالي
يا أبناء بلادي
والطين فيه الخير الوفير
حقيقي مش قادر
أستر بناتي
وأعيش في ستر مرادي
والرب شاهد وناظر
والبركة منه وإليه
والمشتاق للترحال
مُكْرَّهْ عليه
حلم الحياة أضناه
خفقان النوم
والحاضر أفضل من القادم
والقادم في علم الغيب
والوهم الآتي
ملطخ بدماء الكون
والخوف بكل صدق
علي جيش بلادي
إلليّ عايزينه
شخشيخة فِ إيد الأعادي
فيه حد سامعني
فيه حد فاهمني
فقاعات السيل
طافية علي السطح
وأمواج الحب
باقية في العمق
وملح البلاد
لونت طعمه
صفحة السماء
و أنوار الأمل
من علي البعد
نابته أمنيات
وهناك في القرب
ضياء يحتاج ضمير
ورحيل الصخر
أبقي من غيث المطر
{ يامه يا بهية
يا أم طرحة
وجلابية }
{ الدنيا رايحة
وانتي جاية }
نفسي أقابلك
نفسي أشوفك
نفسي أسكن
سكاكين سكوتك
نفسي أسمع
نغمات ثبوتك
نفسي أتنفس
عطر ورودك
نفسي أعيش
بين دروبك
إنسان أصيل
له ضمير
مش عايز
أبقي وزير
مش عايز
أبقي مدير
عايز أعيش
مستور فقير
وأقول الآه
لكن عايز الآه
تطلع من القلب
بكل ضمير
فيه حد سامعني
نفسه يطاوعني
من أهل بلدي وناسي
ويردد معايا
عايزين ضمير
مش عايزين تغيير
المخطط كبير
وجامد ومتين
وخلفه أمريكا
وحفدة القردة
أبناء الخنازير
.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
.
بقلم الكاتب / عبدالمجيد الديّهي
من ديوان ( وشوشة الودع )
.
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
.