غنائية: كُنت هبعد _ زين العابدين خضر

كُنت هبعد

كُنت هبعد بس لكن .. التقتنى لسه ساكـن
قلب حب باستماتـه .. والـورود ماليه الأماكن
خلى قلبي يرق تانى..والتقتنى وف ثواني
أنسي أى حد تانى .. إلا إنى أروح إليه !!
..........كُنت هبعد بس لكن 
كُنت هبعد أيوا عنك .. يمكن اخد قلبي منك
كنت خايف يبقي ظنك..موت لروحي وبشتريه!!
..........كُنت هبعد بس لكن
كنت هبعد عن حياتك.. كنت خايف من سكاتك
يبقي حاجه جوا ذاتك .. أو دا غدر وبتدريه !!
كنت خايف من نهارك .. والليالي ومن مرارك
ياما عشت ف قلب نارك..بس عمري ماقلت ليه!
..........كُنت هبعد بس لكن
كنت هبعد باللى باقي.. لو تهون لحظة فراقي
يمكن أبقي حب باقي .. ف أى وقت تعيش عليه
كنت ناوي أبقي ذكري .. حاجه حلوه ف قلب فكره
فيها إيه لو أبقي بكره .. ماضي حلو تحب فيه !!
...........
كُنت هبعد بس لكن .. التقتنى لسه ساكـن
قلب حب باستماتـه .. والـورود ماليه الأماكن
----------------------------------------------------
....
منبع الشعر خضر