مين قساك _ بقلم نجاة قطب

مين قساك 

.... ... 

باحبك ياللى ظالمنى 

وقاسى حتى فى عتابك 

ولما اغضب تحايلنى 

وتشكى منى لأصحابك

ومين قالك انا عايزه 

اعاند قلبى يوم وانساك 

ومين قالك انا ناسيه 

حلاوة حب عشته معاك

جاوبني واقول انا راضيه 

دا مين فى الحب زيى ملاك 

بيرسم م الالم فرحه 

على جبينه ويستناك

ماهو انت الحب والبسمه 

ولا يخطر فى بالى انساك 

وتظلم قلبى يتسامح 

ولا بشكى فى مره جفاك 

جرالك ايه ياظالمنى 

ومين قساك

nagat ..