خاين / للأديبة : سمر علي

خاين 
خاين هو يا قلبي 
و للحب بايع 
حساه تملي بيغدر 
شيفاه ولا ألف مخادع
بيقول ف حبي كلام
بيرسمه ف قربي اوهام
و اما أجي أبوص بعينيه
ألاقي المكر ساكن فيه
و يدارى علي و يقول
ف البعد كام كلمه و آااه
فاكرني ياناس مش فهماه
ولا حاسس باللي انا فيه
الحب عنده حرف بس
وكلام مش عهد بينا و غرام

خاين
شيفاه لغيري بيغنى
و يهديله ف الحب صوته
أفرح يلا يا قلبي باللي حبيته
و ازرع ورد ف بستانه
لغيرك ياخد أزهاره
و كفايه عليك شوكه
يلا نرقص كمان و نغني
و علي نغم ألحانه
أكتب ملحمة لفراقه

خاين
الاقيه تملي بيكدب
يديني ميعاد و بيهجر
و إما أجي عليه أعتب
يعلي في صوته و يزعل
خلاص توبة يا قلبي
و ربي علينا يستر

سمر علي