أخر شعاع من عمرنا_ بقلم / سيد فاروق

أخر شعاع من عمرنا
عن ديوان سعي النور 
بقلم / سيد فاروق 
أخر شعاع من عمرنا
***
لمَّا خرجنا من العدم
لفينا ف دروب الحياه
تاه الطريق بينا اتقسم
ضاع ويا موج البحر وما التقاه
عاش حلمنا وسط المحن
ويا الزمن الحلم تاه
وف قلب دوامه ألم
ازاى ح يمسك بالنجاه ؟ !!!
ورجعنا تاني ل العدم
ويا ألف آآآه
مكتوب على جبين البشر
الموت قدر
من بعده راح تشرق حياه
***
حكمه مقررها القدر
مش فلسفه
ولا معلومات خدناها
جوا المدرسه
ف الأصل كان الكون سراب
وبنفخه من روح الأله
الليل بيتحول نهار
والضي يفرش ع السما
توب السحاب
والصبح يتنفس
الموت بيتحول حياه
والطين بيتحول بشر
يسعى ف أرض الله
يقرى ويوصل للقمر
***
لما النهار بيعدي
نسأل وقتها
أخر شعاع ف الشمس طالل
من ستاير عمرنا
أزي وامتا وفين وليه ؟ !!
أحنا ف حياتنا عمالنا أيه ؟ !!
يا شمسنا يا مغربه
الريح بتحصل ف النفوس
الطيبه
والسلعه جنة ربنا
مين اللى باع ؟ !!!
مين إشترى ؟ !!!
والموت بيكنس ف الشوارع
والمداين والقرى
تفضل شرار الخلق
تفسد ف الهوى
يصبح جوى والمحتوى
يتنفسه باقي البشر
لمَّا الفساد والظلم
جوا الأرض ليله بينتشر
الكون بتتلخبط حياته
وف آهاته الريح بتصرخ
م الألم
تضرب سحاب وسط الجلد
الرعد منه بيتولد
ينزل مطر
على عبد تاب م الذنب
لحظه ما أرتجع
فيطهر القلب اللى عايش
منكسر
ويعقمه ويجبسه بالذكر يربط بالدعا
فيرق بعد مامات سنين
وكأنه يوم ما انكسر
والمختصر
يرجع سليم طاهر
بلسان فصيح
ظاهر
هايم مع التسبيح
علشان يموت ابيض تقي
من غير عيوب
يعرف يقابل ربنا
من غير ذنوب
***
على قد ما تعمَّر ف أرضه
راح ييجي يوم
حتما ح ترجع له
فاتعلم أزاي من الجماد
أزاي ح تخشع له
اوعاك لتهلك
م الأسى ويا الجحود والكبر
العمر طاير والضماير ميته
والزمن عمَّال بيكبر
حتما ح ييجي اليوم والقدر
ح يكعبلك وعليك ح يقدر
إنتبه !!!!!
قبل اما ييجي عليك الوقت
ما تعرف تقرر أو تقدر
والمقدر راح يكون
أيه اللى ممكن تعمله من قبلها
عشان تفوز بالحياه
وسط السفر
بس اوعى تكدب
لحظة خروج الروح بتكتب
إعلان ميلادك من جديد
أو وفاتك للأبد
بس أنت فكر
ح تكون ساعتها الفتنه أكبر
أيوه ساعتها الفتنه أكبر
***
بقلم / سيد فاروق