إنسان أنا (بقلم) @@ عمرو هيرو

إنسان أنا

-=-=-=-=-=-
أنا مُش أيوب زماني وبصبره ملا الحتة
ولا يوم كُنت الهلالي وفرسُه في السكة
ولا عنتر وشال سيفه عشان عيون عبلة
حارب مع النُعمان وجاب النياق حمرا
أنا أضعف من الريشة وجسم نحيل بدون فيشه
وبتمشي يمين وشمال كما السكران بتعويجه
لا أنا أبرهه الحبشي ولا أفياله كات سكة
راح الغبي مكة أل يهدم الكعبة
ولا في زمن الرسول موجود يوم ما غيّر القبلة
أنا مُش صلاح الدين مُحرر القُدس وبجيشه فتح عكا
ولا كُنت هركليز يوم وبحب زينه ولا عُمره اشتري وردة
لا عُمري كُنت روميو حبيب جوليت ولا مجنون وقيس ليلي
ولا بركب في يوم ع الفيل ولا برقُص مع النملة
ولا في إيدي خاتم سُليمان وأشاور بيه ع الجني 
مُش عايش مع الأساطير ولا تجري الوحوش مني
ولا عُمري علاء الدين وف إيدي فانوس سحري
ولا راكب بُساط الريح وقاعد بيه يمطوحني
ولا كُنت في يوم درويش ولا ساكن مع الحرافيش
دانا ممكن تقول إنسان لو يوم خانك التعبير
أو يدوب تقول أحلام ومركونة ع الدكة
مرسومة بالطباشير وفيها إقفال علي الأبواب
ليه قفلوها من مدة ودقوا عليها بالمسامير
وليه ربطوها ميت عُقدة ....؟!!
خلاص ضج الألم منّي ونفسي
أفرد جناحي وأصرخ كما الحُر
وعُمري ما أحني ظهري أو أخضع لطعم المُر
و القلم يكُون سيفي أكسر بيبان الذُل
ويزرع دُنيته بساتين محبة وورد مع الفُل
وصوت الأمل عالي أنادي وأقول أنا حُر
وصوت الأمل عالي أنادي وأقول أنا حُر
إنسان أنا
-=-=-=-
بقلمي @@ عمرو هيرو