منين القسوة جبتها _ بقلم نجاة قطب

منين القسوة جبتها 

........

قدرت تبعد عنى

وتنسانى !

مع انى 

زرعت الفرحه جواك 

وغنيتك 

قصيدة شعر 

مرويه بنبض القلب 

ودموعى 

وفجأة 

قال عشان كلمه 

طفيت فرحى وشموعى

بنيت جوا شريانى 

معابد حزن 

منين القسوة جبتها ؟

مع انك 

احن عليا م النسمه 

وكنت ارق م الهمسه 

قتلت الفرحه جوايا 

وعايزنى كمان انسى 

دانا لسه 

يادوب الحب هايرفرف 

على جبينى 

شوف لك حل 

ارجوك غير النسيان 

انا بصراحه مش هنسى 

ولا فيه حاجه فى الدنيا 

تنسيني 

ولا واحد فى إيمانك 

هايهدينى 

عشان اقدر اقلع جدور الحب 

من داخل شراينى 

لا الفرقه ولا الايام 

ولا حتى 

دروب البعد والأحلام 

مفيش غيرك 

قدر يدخل لوجدانى 

وافكارى و احزانى 

مافيش زيك 

فى اخلاصك واحساسك 

يا اجمل بدر يهدينى 

يا اجمل صورة فى عيونى 

ياجمله تتحكى دايما 

مافيش فيها 

طريق للغش 

ياشئ نادر بايامنا 

ياحدوته 

ماتتكررش

nagat...