ضربت الودع _ بقلم /عبيد رياض محمد

ضربت الودع

أصل الحكاية لجدع
للحب كان قلبه هاوي

عشق بنيه الجدع
و القلب كان غاوى

م الشوق قلبه ولع
و مين يقدر يداوي

ليله و نهاره الجدع
مشتاق و بيداري

كأن قلبه إنخلع
منه و مش داري

طالب رضاها الجدع
و هي اللي بتداري

في الحب قلبه وقع
و م الحب آه يا ناري

أصل البنيه يا جدع
حيرت لي أفكاري

عملت كل البدع
و قلت أنا شاري

دي ست البنات في الدلع
و أنا قلبي مش داري

رحت و سألت الودع
و سألته إيه أخباري

رد عليا الودع
بتحبك بس بتداري

قالت بحب جدع
شاغلي أفكاري

من يوم م قلبي طلع
ع الدنيا و بداري

شوقي في عيوني طلع
و القلب فيه ناري

بقلم /عبيد رياض محمد