ضربت الودع _ بقلم /عبيد رياض محمد
السلام عليكم ورحمة الله تعالى وبركاته
ضربت الودع
أصل الحكاية لجدع
للحب كان قلبه هاوي
للحب كان قلبه هاوي
عشق بنيه الجدع
و القلب كان غاوى
و القلب كان غاوى
م الشوق قلبه ولع
و مين يقدر يداوي
و مين يقدر يداوي
ليله و نهاره الجدع
مشتاق و بيداري
مشتاق و بيداري
كأن قلبه إنخلع
منه و مش داري
منه و مش داري
طالب رضاها الجدع
و هي اللي بتداري
و هي اللي بتداري
في الحب قلبه وقع
و م الحب آه يا ناري
و م الحب آه يا ناري
أصل البنيه يا جدع
حيرت لي أفكاري
حيرت لي أفكاري
عملت كل البدع
و قلت أنا شاري
و قلت أنا شاري
دي ست البنات في الدلع
و أنا قلبي مش داري
و أنا قلبي مش داري
رحت و سألت الودع
و سألته إيه أخباري
و سألته إيه أخباري
رد عليا الودع
بتحبك بس بتداري
بتحبك بس بتداري
قالت بحب جدع
شاغلي أفكاري
شاغلي أفكاري
من يوم م قلبي طلع
ع الدنيا و بداري
ع الدنيا و بداري
شوقي في عيوني طلع
و القلب فيه ناري
و القلب فيه ناري
بقلم /عبيد رياض محمد
نسخ الرابط | |
نسخ للمواقع |