مات الكلام _ بقلم / عبير خضرى
السلام عليكم ورحمة الله تعالى وبركاته
مات الكلام يا صاحبى ..
وقول عالثورة السلام ..
مات الشهيد صاحبى ..
خد حكم بالاعدام ..
سبب وفاته يا قاضى ..
براءة الأحكام. ..
ضحى بروحه والروح ..
تساوى عندكوا كام ..
ثمن الحرية حياته ..
دفعها من غير كلام ..
وفى الميدان سال دمه ..
وغرقت الأحلام ..
لما لسان الحق ..
ربطوه بأكبر لجام ..
خايف نتوه فى السكة ..
من بعض وسط الزحام ..
وضحايا الثورة يبقوا ..
فى قغص الاتهام ..
هى دى كانت ثورة ...
واللا دى كان أوهام ..
مات الكلام والظلم ..
صاحى ما بينامش ..
ما اللى مات والظلم ..
حى ما بيموتش ..
خد الظالم فى حضنه ..
وقاله ما تخافش ..
مسح اسم الشهيد بكفه..
لجل ما يبانش ..
صرخ الشهيد وصوته ..
م القبر ما طلعش ..
مات الكلام صحيح ..
بس الروح ما بتموتش ..
نسخ الرابط | |
نسخ للمواقع |