بائعه الإشطه_ بقلم رضا حسب النبى

**** بائعه الإشطه ****

صباحو إشطه وحليب

وحلو زى الزبيب

وكمان ياناس فطير

لوكلته عقلك يطير

وحمام محشى فريك

وأنا مابحبش شريك

قرب هنا ياذوق

وكمان ممكن تدوق

والنخلة فى العلالى

طارحة بلح حيانى

من حلاوته آة يانى

ومعايا عسل نحل

لو خدت منه قطفه

هتبقى قد الفحل

ومعايا جبنه أريش

اللى يكلها يعيش

طب بخمسه جنيه ياست

خلصت يابنى مافيش

ومعايا كوز اللوف

لو خدت دوش بيه

القمر يجيلو خسوف

يوة يادى الكسوف

رضا حسب النبى

20/10/2016