انا الشاعر.. للمبدعة : هدى غريب

انا الشاعر.. 
انا الشاعر... انا المجنون 
مغرم بالحروف... مفتون 
وكل معني جوايا 
تلاقيه بالعفاريت مسكون 
ساعات يضحك ويهزر 
وساعات بالامه يتمنظر 
وساعات يتخفي جوا سكون.. 
........................................
انا العاشق سواد الليل 
وباغزل من خيوطه غرام 
انا جوايا ميت عفريت 
مابين معني حلال وحرام.. 
ساعات يبقا كدا طيب 
ولحظه يكون كمان جني 
يحرك فيا احساسي 
يحرر قيد بيحكمني 
يعيشني كما المارد 
يخليني كمان شارد 
يجيب احلامي قصاد عيني 
يفرحني ..... يبكيني
.......................................... 
انا شاغر وقلمه عصاه 
عاوز يبكي ويحكي كتير 
وفي شئ مانعه من جواه 
ياريت ايماني يطمني 
يخرج مني نبض حياه 
يقول جوايا انا فنان 
يقول انسان ومش جني.. 
انا الشاعر 
هدي غريب.