**** فات الميعاد **** العم ...رضا حسب النبى

**** فات الميعاد ****

آسف خلاص إنتهى الحب اللى بينا وفات الميعاد

كل ذكرياتى معاك قومت لمتها وجمعتها

وولعت نار كتيره ورميتها فيها وحرقتها

ما أنت سبب ألام جروحى اللى انت جرحتها

آسف خلاص إنتهى الحب اللى بينا وفات الميعاد

بعد ما كنت ليا كل حاجه حلوه فى الحياة

وكنت بتمنى قربك ومعاه أبلغ مناه

ليه جرحت قلبى وسبته ومفضلتش معاه

دا قلبى كان حبه ليك وكل دقه ليك حياه

مات حبى ليك وصرخت باأعلى صوت وقولت آآه

آسف خلاص إنتهى الحب اللى بينا وفات الميعاد

نزلت دموعى وطفت شموعى والجرح ذاد

والفرح مشى والجرح جه من غير ميعاد

ليه خونت العشره وقطعت بأيدك حبل الوداد

ولو قلبك ماحسش بيا يبقى انت بقيت جماد

أرجع لعقلك وصون ياأبنى عهدك وبلاش عناد

والنار مهما تولع فى الأخر هتبقى كوم رماد

ياناس قلولو لو حبى مات يبقى كدا مات الفؤاد

آسف خلاص إنتهى الحب اللى بينا وفات الميعاد

العم ...رضا حسب النبى

23/9/2016