أنا مسلمه../ للرائعة ولاء عدنان

أنا مسلمه../ للرائعة ولاء عدنان

.........
أنا مسلمه..
وحجابى ده..
فرض عليا..
وانا بحبه..
إكمنه سترى..
وغطايا..
لما أُمى علمتنى..
إزاى أصلى..
شوفت نفسى..
حاجه حلوه..
فى المرايا..
يمكن تكون العبِره فعلا..
مش حجاب..
العبِره يبقى مظهرى..
مرايتى للى جوايا..
وأنا عايزه أقول..
إنى بنت مؤدبه..
مش بنت تايهه..
فى الحياه ومغيبه..
خلقنى ربى..
م البدايه مسلمه..
يعنى العفاف..
أجبرنى أكون محجبه..
وإنت جاى..
بكل بساطه تعرينى..!!
أصل المساومه..
إما مظهرى أو دينى..
طب تعالى..
وهات معاك..
إتنين شهود..!!
وورقه نضيفه مرتبه..
ممضيه من أعلى الجهات..
بختم واضح ..
مسببه..
إن الحجاب..
كخه وعيب..!!
وأنا ساعتها هاقلعه..!!
وصوابعى..
فى عيون التخين..
راح تبقى حاضره..
مدببه..
وأطلع أقول وبعتزاز..
أنا بنت..
مش مؤدبه..!!!!
يلعن أبووووه الإنفتاح..
إللى ببجاحه..
يخلينى..
البس مايوووه وبكينى..
وجسمى يتعرى..
فـ مزاد..
وينادى..
وبأعلاها صوت..
مين إللى راح..
يشترينى..؟!!
..
بقلم : ولاء عدنان