‏أنا‬ الولد - بقلم / الشاعر يوسف الحمله

‏أنا‬ الولد - بقلم / بقلم الشاعر يوسف الحمله 

‫#‏أنا‬ الولد
::::::::::::::::

أه يا بلد يا لي
عايش عشانك في كبد
وحبك جوايا تملي
ولولا حضنك ما إتولد
‫#‏انا‬ الولد
اللي يوم ما خلفتية
قولتي إن ضهرك إتسند
#أنا الولد
اللي كل ما تحتاجية
تلاقية واقف كما الوتد
#أنا الولد
اللي رفض الزيت والسكر
ورضي بحاله اللي متمرر
اللي بيستطعم الرغيف
وهو في ترابك متعفر
واللي بيروق نيلك
كل ما ميته تتعكر
واللي بيدندن مواويلك
وعلي المئذنة بيكبر
واللي علي حدودك واقف
في عز البرد متسمر
واللي في الشدة المدد
#أنا الولد
اللي الحنا في كفوفة
وعروسه مستنيه رجوعه
واللي قتل بإيديه خوفه
وشاله من بين ضلوعه
وأنا اللي عدا القنال
أيام زمان
واللي قاطم ضهر عدوك
لحد الآن
واللي لا عمره خاف قتال
ولا أحزان
وكل همه يزيد عِلوك
كمان وكمان
وأنا الكلمة اللي بسطورك
وأنا العنوان
وأنا الريشة اللي بطيورك
علي الأغصان
وأنا اللي مستناش دوره
ولا عمره نسي أبداً دورك
وأنا الإنسان
اللي ضحي وبالجنة إتوعد
#أنا الولد
اللي عاشقك وهيفضل عاشقك
يابلدي إلي الأبد
::::::::::::::::::::::::::::::::

أنا الولد

بقلم الشاعر يوسف الحمله
13/5/2016