ما تحزنيش يا مصرنا _الشاعر/ أشرف فؤاد السمادونى
السلام عليكم ورحمة الله تعالى وبركاته
 |
ما تحزنيش يا مصرنا _الشاعر/ أشرف فؤاد السمادونى |
...((( ما تحزنيش يا مصرنا )))
****************************
وما تحزنيش يا مصرنا
على ابن مات من اهلنا
يا غدر ناس مش مننا
يا غل أعمى
مش هترهب شعبنا
يا نعق غربان الخلايا الآثمه
يا عار يا خسه
يا ديول الالسنه
مصر الجميله المؤمنه
رغم الآلام
هتعدى عتبة حلمنا
حاول تعكر صفونا
حاول توقف قطرنا
حاول وحاول يا خسيس
راح تدهسك
بالقوه جزمة مصرنا
مهما حاولتوا يا رعاع
المولى حافظ مصرنا
دا خير جنود الارض
هما جندنا
وما تحزنيش يا مصرنا
شعبك وجيشك مجدنا
يا سمره فوق كل الهموم
قومى اعبرى
يا صبيه على مر الزمن
يا عشق ندفعله التمن
يلا افرحى وما تحزنيش
عيشى وخلى الخير يعيش
يا مصرنا ما تحزنيش
وما تحزنيش يا مصرنا
*********************************
الاديب الشاعر/ أشرف فؤاد السمادونى **
*******************************
تحيا مصر رغم انوف الحاقدين **
| نسخ الرابط | |
| نسخ للمواقع |
0 التعليقات
