معرفش كام م العمر عدا... للشاعرة : إيزيس محمد غانم

معرفش كام م العمر عدا...
معرفش كام
لما اتفاجئنا بالوجع..
واتفاجئنا بالخصام...
كات روحى ساقيه...
وروحه كات شريان أمان
أصبله النيل يبدره ....
تغرق شقوق الأرض 
وتخضّر غيطان.....
دلوأت فين..
رقص العصافير والغنا فوق العيدان؟؟
ولّى زمان الزقزقه..
وللا غابت من قلوبنا ..
نبضة الشوق اللى كان؟؟؟
معرفش كام م العمر عدا....
معرفش كام......؟؟
كنت اشوف روحه تغازلنى وكأنها 
كائن وجودى وله وجود..!!
كنت من غير ملمح ملامحه أسمعه 
عازف بيعزف بالوجع غنوة شرود..!! 
-----------------------------------
من قصيدة نبضة الشوق
 من ديوانى الأول