{ كان نفسى } بقلم {نبيل الوردانى}

{ كان نفسى }
كان نفسى أسامحك
وأكفكف دمعك
مش عارف ليه
أنا قلبى مطاوعك
لكن مش سامعك
طب حن عليه
لو حتى هلاوعك
أنا ضى ف شمعك
وأخدت عليه
ياحبيبى جاملنى
لو ناوى تسيبنى
طب عذرك إيه
تظلمنى وتهجر
وكأنى مقصر
معرفش ف إيه
طب مره صارحنى
لو كنت جارحنى
جرحك أداويه
تتركنى وفجأه
وعاملها مفاجأه
طب جنسك إيه
علشان تلاوعنى
وف لحظه تبعنى
لو كنت شاريه
أو مره اتعطف
من وردك إقطف
لو عطرك فيه
ياحبيبى اتأنى
لو حبك جنه
مش هاشبط فيه
{نبيل الوردانى}