مسحَّراتى الوطن (الحلقة ( 12 )) للمبدعة ريــــــــــــــــــ صلاح ـــــــــــــــــــــــــم

الحلقة ( 12 )
.................
كان كل طبلي زمان
بيفوّق النايمين
خلص الزمن والأن
كل البشر صاحيين
خاليه البيوت م الناس
كل الشوارع فضا
الكل يومه ابتدا
بسحوره ف الميادين
***
دم الشهيد ع الأرض
صايم عشان رمضان
والحق سُنّه وفرض
ما يحب حد جبان
يا صوت ضمير الوطن
إرفض حياة الذُل
واستنى بكره يطل
على إيد بشر تانيين
***
زُق الضلام يا صبح
هات شمسك الدافيه
د انا قوتي لقمه بملح
وباقول متين عافيه
ولحد إمتى ياليل
ح تغطّي عين الشوف
يا أقصى يا مخطوف
محتاج ليوم حطّين
إصحى يا غفلان اصحى
......................................

من كلماتي
ديوان
مسحراتي الوطن
ريــــــــــــــــــ صلاح ـــــــــــــــــــــــــم