مسحَّراتى الوطن (الحلقة ( 11 ))للمبدعة ريم صلاح

مسحَّراتى الوطن (الحلقة ( 11 ))للمبدعة ريم صلاح

الحلقة ( 11 )
.................
مسحراتي الهوى
دخل الهوى داري
طبّيت ما حد انتبه 
ولا حد كان داري
مشيت ف دنيا الهوى
بانده على الصايمين
عيني شمال ويمين
على باب جميل جاري
إصحى يا نايم اصحى
***
دقّيت على الأبواب
وناديت بأجمل إسم
لا جالي منُّه جواب
ولا حتى شال السهم
من يومها قلبي هناك
من بابه للشبّاك
وغريبه يبقى ملاك
ويكون سبب ناري
يا نايم اصحى
***
ليّا سنين وسنين
قاعد على بابهم
وباسحّر الصايمين
وارجع لأعتابهم
قلبي خدوه ببلاش
عقلي خدوه ولا جاش
وانا روحي ف الإنعاش
عاش اللي مات .. شاري
يانايم اصحى
....................................