الوداع بقلم فيفى خضر
السلام عليكم ورحمة الله تعالى وبركاته
الوداع
مش كلمه سهله !!
تفتكر لو قلتهالى هايهدى بالى
وان قلتهالك
هتعيش وتفرح طول حياتك
تفتكر ؟ ---- انا مفتكرش
قبل ما تنطق بكلمه واحده
حاول تفكر فى نهايتها
فرحه حياتنا هتختفى
ونور طريقنا
هيبقى ضلمه وينطفى
طب قوللى نعمل ايه ساعتها
وللا نسيبها للظروف
والقسمه هى وبختها
وأحلامنا بدموعنا جت خدتها
و اعيش عذابى
ويضيع شبابى
مع جرح قلبى ودموع عنيا
فين الحنين فين السنين
ازاى يضيع حبك فى ثانيه
ازاى يهون قلبى الحنون
مقدرش احب انا مره تانيه
اهلا وسهلا بالوداع
بعد الحنين والشوق ما ضاع
اهلا وسهلا بالوداع
بعد حبك ماكان خداع
ولو ضميرك عنى سالك
قوله مين فينا اللى باع
ومين رسم جوانا خوفنا
ومين مقدرش يواجه ظروفنا
ولو سأل يوم عن حروفنا
وطريق أمل فجأه انتهى
قوله عدا المنتهى
حبنا أصبح ضياع
حبنا أصبح ضياع
****فيفي خضر
نسخ الرابط | |
نسخ للمواقع |