من غير مواعيد / للشاعر الغنائى : محمد مكاوى

من غير مواعيد
.................. 
مع انك غايب
عنى بعيد
وانا قلبى
مش شايفك
و وحيد يا حبيبى
وياك بتقابل
مع دقة قلب
وآه وتنهيد
وقلبى مع قلبك
بيسافر دايما
على طول
من غير مواعيد
.........
وانا قلبى وحيد
قلبك بيجينى
يا حبيبى
على موج البحر
ويفرح قوى
لما يلاقينى
وينقش اسامينا
ع الصخر ويفضل
يعلا ويعلا لفوق
يصبح قد جبال الصبر
..........
لا يا حبيبى
زى الشمس
واسمع صوته
زى الهمس
شدو بلابل
غنا عصافير
وف الدنيا الواسعه
اطير و ياخدنى
وياه لبعيد
وانا قلبى مش شايفك و وحيد