رحلة الحبييب المصطفى / كلمات الشاعر: اسامه حامد

رحلة الحبييب المصطفى 
 كلمات الشاعر اسامه حامد

ماتت خديجه وغطى الحزن بيت طه
بكى عليها النبى بالدمع غطاها 
صبح وحيد من بعدها مخلص لذكرها
.............................................
وبعد موت الحبيبه السيده الطاهره
والحزن مالى القلوب والهم والحسره
توفى عم النبى من بعدها بفتره
صبح الرسول هايم فى احزانه
وخاف من قريش ليدبرو مؤمره
.............................................
وفى ليله نايم رسول الله فى فرشه
ربك بعت جبريل برساله من عرشه
قالو البراق تحت امرك بالحرير فرشه
ربك داعيك لرحلة حب فى السموات
ما شافها نبى قبلك فى حمى عرشه
..........................................
ركب الحبيب المصطفى البراق فرحان
من مكه للقدس طاير فى امن واطمئنان
معاه جبريل يحرسه بأمر من الرحمن
وكل الانبياء واقفه فى انتظار ابا العدنان
.............................................
بعد ما انتهى الحبييب من الركعه والسجده
كانت الملائكه كمان وقت الصلاه ساجده
انمد معراج من الارض للسماوات
صعد عليه الحبييب فى رحلة ..... الخالده
......................................................
طلع الرسول اول سما و .............شافها
وتانى وتالت سما يسأل .......... ويعرفها
ولحد سابع سما جبريل ......... بيوصفها
ولسدرة المنتهى والملك والملكوت
وقف جبريل فى رهبه وادب وخاف يدخلها
.................................................
صعد الحبييب المصطفى الى المنتهى
وكان قاب قوسين او ........... ادنى
سمع صرير القلم يكتب فى اعمالنا
نسى حزنه على زوجته ......... وعمه
وشاف خديجه البهيجه فى روضه من الجته
 تمت بحمد الله ......موثقه