لأني بحبك - بقلم صلاح يوسف

لأني بحبك
اشوفك قمر
وترقص نجوم
وتشهق بشر
فلا يحسدونا
لانك قدر
وهاتحدي بيكي
كل الخطر
وعشقي وعشقك
هاينزل مطر
يسقي الاحبه
ويسقي الشجر
لان انتي سعدي
لباقي العمر
احلم بقربك
لأني بحبك

لأني بحبك
يزيد اشتياقي
واحلم بروعة
يوم التلاقي
في عطش اشتياقي
ندور السواقي
و تروي زهوري
وانا جوه حضنك
لأني بحبك

لأني بحبك
يزول كل همي
اضمك لقلبي
وروحي تضمي
ورعشة رموشك
وعطرك بفمي
اتوه في عيونك
ويا محلا قدك
لأني بحبك

.... لأني بحبك
اعد الثواني
وشوقي لقربك
يدوب في كياني
عذابي في بعدك
بتبكي الغناوي
بسرعه تعالي
ياروحي وحناني
ب لمسة حنانك
ربي كفاني
لأني بحبك
من ديوانى الثالث (حكاوى الليل)