عشق السمرا .. بقلم بهاء اللبودى

#عشق_السمرا

بس يا سيدى
هى يا دوبك نص الضحكة
ولفت بيا الدنيا ساعتها 
شفت قصادى الراجل سته

وقلت يا سمرا يا وجه القمرا
اسمعى منى انا قلبى ضعيف
مش هستحمل سكر روحك
ضحكة كمان واصبح يا لطيف
توبت انا هِمّى خودينى فدوحك
كنّى معاكى يا ست انا ضيف

قامت رافضة وراكبة دماغها .
وختمت عانده الضحكة العالية

صابنى السحر انا ربى الشافى
والكهربا مسكت فكتافى
و قلبى اتفتفت يجى ١٠٠ حتة
قومت انا جرى طلبت النجده
ساعة ادق .
حلفت ماهى راده
والاسعاف عملت من بنها
سمعوا الشكوى وسكوا السكة .

ودوخت يا ناس
طب بوء الميه
قالوا العطشان؟! يركب فسبة
ويشرخ طاير على اثيوبيا
ويملى معاه كام كولمان فاضية .
وادى جزاة العشق بسمرا
***
بقلم
#بهاء_اللبودى