كان نفسى لما أكبر / للشاعرة القديرة : ميمي عبدالجليل

كان نفسى لما أكبر

أتخبى ف ضلوعك

تؤمر و تتسَيِد

و أكون فدا طوعك

أسمع صدى صوتك

أفرح ...وب رجوعك

وتصلى تدعي لي

وتناجى ف خشوعك

يشتد ريح قلبى

أتداري ف قلوعك !

كان نفسى لما أكبر

أقرى لك الجرنال

و أقول كدة كفايه

فتقول لى قولى كمان

و كأنها غنوة ..

مليانة شوق وحنان

وأنول رضا قلبك

وترتل القرآن

كان نفسى لما أكبر

متكونش يوم تَعبان

أسهر أهدهدلك

أفرح تكون فرحان !

من قصيدة ‘كان نفسي لما أكبر’ ..وديواني الأول ‘بيشبهلي’

#ميمي عبدالجليل