نفسى / محمد مكاوى : عضو رابطة الزجالين وكتاب الاغانى

من ديوان شعبيات بلدنا

..............

نفسى

....

نفسى ف حاجه

لا ف مقدارى ولا مقدارك

نفسى الطير

يحكيلى عنك عن اخبارك

و اركب مركب

اعدى بيها بحور اسرارك

لو بيا تميل

دا مفيش يا جميل زى سمارك

....

آه لو كلمه

تخرج منى وتدخل قلبك

والقاك ماشى

يا روحى ف دربى ويصبح دربك

يومها هتعرف

كل الدنيا انى بحبك

تبعت فرحه

تملا ليلك ويا نهارك

.....

نفسى املا

الدنيا بحالها بالافراح

و اقول لقلبى

لقيت نصيبك اهدا ارتاح

ومن قلبى

اغنى واقول سلام يا جراح

نفسى تسكن

جوه ف قلبى و يصبح دارك

واركب مركب

اعدى بيها بحور اسرارك

لو بيا تميل 

دا مفيش يا جميل زى سمارك

.....................................

محمد مكاوى

عضو رابطة الزجالين وكتاب الاغانى