يا ورد نابت / للشاعرة : كريستين أفرام

يا ورد نابت 

قبل الأوان

كانون بدل

تيابو وين

ما كان

وصار الزهر 

يعربش عا

بابي

بجنينة الحب

وقلب شعلان

حبابي نسيوني

وما سألوا عليي

والي كان كان

والي راح راح

وضاع الحلم

لي نرسم بكتابي

العمر شايف

والصبر ما عاد

ألو صبر عا 

حسابي

أخبار تناقلت

من حولي انفقدت

خبار

وتعقدت الخبرية

دمعة عيوني

والقسى قهار

عصفور حط

راسو حدي تاكي

آه من ها الحالة

شو قهار

ورفيقي الطير

متلي شاكي

ندور بالفلا عا

شئ أسرار

شئ كمشة 

سرور مخبايه

معقول بالشتي؟؟!!

زهور جنب البيت؟؟

منتور واقحوان

ورشة يزور مخباية؟؟

شباط ابتدأ

وضرب المزور

والنق عا بأبو

صالي

عيوني من هب

النار

من دمع ساقي

خدودي

الطبيعة ضاعت

من ها الخبار

نسيت همها

وصارت تداوي

جروحي

تخلق فرح

قبل نوار

من شوية 

تراب ترشهم

ألوان

ت تلمح النور

عاد ليي

رح يفل الشتي

ويجي نوار

والربيع من قبل

الوقت نرسم

بجفوني

رح ينتهي الضيم

والبريد

ويرجع الربيع

يلاقي جنة عدن 

من هبات نار

دافيه من عروقي