إنسحااب / للرائعة : جهاد زيادة
السلام عليكم ورحمة الله تعالى وبركاته
إنسحااب
و انا بنسحب من جوه روحك
خللى قلبك يسألك
ع اللى كان ترياق جروحك
بعته ليه
و مين بعد منى يكملك
مش بسألك
و لا قصدى حتى
يكون كلامى بأى معنى يبدلك
و لا بنتظر منك رجوع
و لا تنتفض و تكون حياه
هو اللى مات من غير سبب
هيحس ليه بألمك معاه
و ترجعه شوية دموع
انا عاوزة من قلبك حكم
حكم اللى فات من عمرى بيك
ما فاضلش منه غير آهات القلب
و شوية حكم
حبة مرار ميشبعوش القلب
لو فكر يجوع
هو سؤالى و بعدها
خد كل أحلامك و رووح
مزع قصايدك كلها
و اكتب ديوانك عن هوى
لكن جماااد
فيه المعانى إنما
من غير جهاد
فيه ذكرياتك كلها
و لكنها
خاليه تمام من أى رووح
إمشى ف طريقك بعدها
شوف بعدها هيوصلك؟
و لحد فين؟
شاغل كتير كل العيون
و اكتب ف أحلام المنى
و اتمنى تلمس كفها
شوف كاف و ها
هيعيشوا وياك قد إيه
و هترسم الأحلام بها
و هتلمس الايام منين
كل الثوابت ف الغرام اتلخلخت
و صابتها عين
لما الوفا راح ف الوبا !
لما انتحر فينا الجنين
كنا بنحلم بالأسامى ف إسمنا
حتى نوع الحلم حددنااه لمين
كنا بنكتب حرف واحد عمرنا
ما كات حروفنا كلمتين لاتنين
لكن النهايه كتبتها
و بإيدك انت ..مش بطرفة عين
فضل السؤال اللى انطرح
من غير ما يجمع إيد ف إيد
أنا كنت ليك ذنبك وحييد !!
و لا أناااا
أول ذنوب العشق
ف القلب الجديد !!!
نسخ الرابط | |
نسخ للمواقع |