من فضلك لو دقيقه_ بقلم نجاة قطب

من فضلك لو دقيقه

............

ياأبو العيون جريئة 

من فضلك لو دقيقه 

احكى لك ع اللى بيا 

واقول لك ع الحقيقه 

****

مر الزمان ياقاسى 

وانت الحبيب وناسى 

لا يوم بتحس بيا 

ولا يوم عايز تواسى

*** 

من نار الشوق بعاتبك 

من قلب كبير وحبك 

شايل جواه امانى 

عايش يحلم بقربك

*** 

واحلف لو كان بإيدى 

لا كتب لك من وريدى 

عهد وإخلاص محبه 

واطلب عطفك ياسيدى

*** 

دامافيش فى الدنيا غيرك 

قلبى ودايما نصيرك 

وازاى ع الهجر تقدر 

راح اسيبك ولضميرك

nagat. ...