مصر بلدنا / محمد مكاوى

من ديوان مصر سنين و سنين

مصر بلدنا

.....

مصر بلدنا

بينا باقيه

مهما زمنا

يصبح ساقيه

و مهما يعدى

عليها اعادى

او تتمد عليها

ايادى نسمع

فيها صوت

بينادى و يصحى

النايم من جوه

يلا يا مصرى

انت و هو مصر 

امكو بتنادى عليكو

جه وقتكو

مدولها ايديكو

و حياتك يا غاليه

علينا هنشيلك

من جوه عينينا

و نعدى بيكى

من المحنه

تفضلى باقيه

و نروح احنا

نصبح شمعه

ف قلب طريقك بتنور

دايما لصديقك و رصاصه

ف قلوب اعاديكى والخاين

اللي بيجى عليكى

احنا ولادك من حواليكى

و عمرنا ما نكون الا بيكى

تعيشى يا مصر

تعيشى يا مصر

....................................

محمد مكاوى

عضو رابطة الزجالين و كتاب الاغانى