يوميات فلاح مصرى (بقلم) ياسر شرف
السلام عليكم ورحمة الله تعالى وبركاته
يوميات فلاح مصرى
فلاح قرارى فى وادى النيل
فرعون ومصرى وعرقى أصيل
الزرع دمى وعروقى
والطمى لونى فى خدودى
والأرض فرشى ومتاعى
احضنها فى قلبى وبدراعى
دى ميراث أبويا واجدادى
والزرعة زادى وزوادى
فى الفجر اصحى بشوق وحنين
وأجرى عليها وابوس فى نجيل
أعزق بايدى كده بالفاس
واحرث بشدة بالمحراث
ويجره بقرة او عجل كبير
و اسقى بدمى ومية نيل
وارفع واروى كده بشادوف
وطنبور يلف كتير ويدور
او ساقية برضه يجرها تور
ترفع وتسقى بهنا وسرور
وابذر بذور فى الأرض كتير
ويدوس عليها غنم وحمير
ويغرسوها بأقدامهم
و يثبتوها بأعمالهم
ويوم الحصاد وكأنه العيد
الكل يحصد كده وسعيد
ده خير بلادنا واراضينا
يسعد قلوبنا ويرضينا
قمح وذرة او فول او عدس
وتوم بصل او حلبة و خس
و برتقال او حتى ليمون
سمسم وخروع او زيتون
وفى الزريبة نربى كتير
عجول واغنام ويا حمير
وفراخ حمام مع وز وبط
ونجيب لبن والبيض يتحط
و كمان بسرعة وبدون كسل
نعمل فى حتة منحل عسل
والفرن بلدى لخبيز عيش
وبتاو مشلتت بجبنة قريش
ونجوز البت بهانة
وفرحها يبقى على هوانا
ونحمد ونشكر كتير وقليل
عشان اتخلقنا فلاحين.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
فلاح قرارى فى وادى النيل
فرعون ومصرى وعرقى أصيل
الزرع دمى وعروقى
والطمى لونى فى خدودى
والأرض فرشى ومتاعى
احضنها فى قلبى وبدراعى
دى ميراث أبويا واجدادى
والزرعة زادى وزوادى
فى الفجر اصحى بشوق وحنين
وأجرى عليها وابوس فى نجيل
أعزق بايدى كده بالفاس
واحرث بشدة بالمحراث
ويجره بقرة او عجل كبير
و اسقى بدمى ومية نيل
وارفع واروى كده بشادوف
وطنبور يلف كتير ويدور
او ساقية برضه يجرها تور
ترفع وتسقى بهنا وسرور
وابذر بذور فى الأرض كتير
ويدوس عليها غنم وحمير
ويغرسوها بأقدامهم
و يثبتوها بأعمالهم
ويوم الحصاد وكأنه العيد
الكل يحصد كده وسعيد
ده خير بلادنا واراضينا
يسعد قلوبنا ويرضينا
قمح وذرة او فول او عدس
وتوم بصل او حلبة و خس
و برتقال او حتى ليمون
سمسم وخروع او زيتون
وفى الزريبة نربى كتير
عجول واغنام ويا حمير
وفراخ حمام مع وز وبط
ونجيب لبن والبيض يتحط
و كمان بسرعة وبدون كسل
نعمل فى حتة منحل عسل
والفرن بلدى لخبيز عيش
وبتاو مشلتت بجبنة قريش
ونجوز البت بهانة
وفرحها يبقى على هوانا
ونحمد ونشكر كتير وقليل
عشان اتخلقنا فلاحين.
مع تحيات الفقير إلى الله
ياسر شرف
كبير محررين مترجمين
باتحاد الاذاعة والتلفزيون
نسخ الرابط | |
نسخ للمواقع |