دموع العين 🎥(بقلم) ✏رضا حسب النبى

🎥 دموع العين 🎥

بتريحنا دموع العين وليها ساكتين مانتكلم
ومليان آهات ياناس ومعاها كنا بنتألم
ومن درس لدرس ياعالم وياريتنا منه بنتعلم
دموعك دى غاليه عليا وإنت اللى فاضل ليا
دموع مره ومش حلوه لو نزلت على السطر
تقوم تكتب أحلا غنوة وتقول موال حزين
بتريحنا دموع العين ولابنعرف وخدانا على فين
دموع فرح ودموع أحزان معاها بنبكى كمان وكمان
وأحيانا تكون فوهة بركان أو زلزال يهد كيان
دموع طفل إتولد وإتحرم من إنه يشوف أمه
ودموع أم فرحانه وهيا بتلبس بنتها الطرحه
دموع طالب ناجح وبيبكى من شدة الفرحه
دموع إبن الشوارع وهوا نايم على الرصيف
مش لاقى حد يأويه من برد الشتاء أو لهيب الصيف
بتريحنا دموع العين ولابنعرف وخدانا على فين

✏رضا حسب النبى