بس يا ريت_ غنائية بقلم رمضان العلالقة

بس يا ريت
~~~~~~
كــــنت أتمـــنى و أتمنيت
تبـــقى معــايا بـس يا ريت
أنسى إني معـاك مجــروح
و أنسى دموعي لما بكــيت 
ياللي واخدني ف حب كبير
بفــرح لما ألقــاك و أطــير 
كل حـــياتي معــاك حبيتها
بنسى ســاعتها لأني أســير
و أنت معـــايا بشــتاق ليـك
بنـــسى الآه و بحــن إلــيك
نفسي أفوق من وهم الشوق
حتى في دمي كـمان بلقـيك 
غنيت اســمك لحن جمــيل
على أنغــام من وتر اللــيل
كــل نجــوم الســـما فكراك
طبع هواك من شمس أصيل
أنسى أزاي أنا فيك محــتار
دايمـا أفكـر لــيل و نهــــار
قلـبي جــريح أزاي أداويه
أنت راميه على جمر و نار
أنسى يا قلبي بلاش أحزان
جرح بقســوة وغدر زمان 
روحي فيها جراح و أنين
بعد سنين م الصبر و خان
~~~~~~~~~~~~~
بقلم / رمضان العلالقة