يا سلام على الست المصريه - ( غنائى ) بقلم المبدع محمد البلاط

يا سلام على الست المصريه - ( غنائى ) بقلم المبدع محمد البلاط

يا سلام على الست المصريه - ( غنائى )
..............................................
يا سلام على فاطمه وزنوبه
حبوبه وشاطره ولهلوبه
تكسبها بحبة حنيه
تبنيها معاك طوبه على طوبه
يا سلام يا سلام
هتعيش واياك على قد الحال
لو كلت الفول ولبست شوال
بكلام الحب هتكسبها
بس انت عاملها بحنيه
يا سلام يا سلام
يا سلام على الست المصريه
تخدك من ايدك على بابها
وتهنن فيك وتدلع فيك
وتكون من جملة احبابها
بس انت عاملها بحنيه
يا سلام يا سلام
يا سلام لو تهعرف تكسبها
بالكلمة الحلوى تداديها
وتدلع وتشاغل فيها
وان طلبت شهد تجيبهولها
وان طلبت غنوه تغنيها
بس انت عاملها بحنيه
يا سلام يا سلام
يا سلام على الست المصريه
تتعبها هتكون عياطه
ومشاكلك على مكن خياطه
تتشكى لجيرانك منك
تعمل اعلان بها على حيطه
يا سلام على الست المصريه
راح تلعب بيك وتتمسكن
وتسايسك حد ما تتمكن
وتجيبلك من الاولاد قرطه
جنزير فى راقبتك متمكن
يا سلام على الست المصريه
هتحط على اكتافك شيله
وتقولك يالا يا ابوا العيله
رتب لولادك دول عيشه
مش هشيل لوحدى انا الشيله
حظر فى كلامك وياها
لتبص فى لحظه وتلقاها
تقلب سحنتها وتسترجل
وكلامها فى بوقها يتبرجل
يحضر عفريتها ويتشكل
والاخر هتشيل الشيله
يا سلام يا سلام
يا سلام على الست المصريه
ان عملت فى البيت هوليله
بقلم محمد البلاط