قدرٌ أنا

ميساء زيدان

قدرك أن تشاهدني .. 
كأني من نجومِ ( هوليود ) تراني ...
تلتمعُ عيوني كملحٍ في ابريقٍ..
والنجومُ تتبع خطوي و أنت تراقبني
تعدُ أنفاسي رسمتُكَ في خاطري طفلاً
ستظل هكذا مهما كبرتَ ، مهما عقلتَ..
مهما زينَ المشيبُ مفرقكَ
تشاهدني .. أكبرُ ...فأكبرُ
و تراني نجمةً في صحفٍ تقرأُها مع قهوةِ الصباحِ ..
قصائدي ... أغانٍ تهمسُ في أذنكَ
إني قدرُك الآتي .... !!!

-------------------(#تنهيدة)

*قالت لِى يَوْماً

إنِّى أُحِبُّك

؛؛؛ فأَمَرْت فُؤَادِى أن يفْتَحَ بَابَه

*وانْتَفَضَ فُؤَادِى مُتَرَاقِصاً

يُمَزِّقُ وحْدَتَهُ ؛؛؛؛ يُوَدِّعُ عَذَابَه

*فأَوْدَعْت نَفْسِى فى قَلْبِهَا

أحْيَا بنَبْضِهِ ؛؛؛ وأَتَلَذََذُ خِضَابَه

* ولازِلْت

أعيشُ برَوْحِ الكلمَةِ

لَعَلَّ يَصْدُقُ منهَا السُّؤَالَ جَوَابَه

--------------------(#بقلمى)

..... الأستاذ احمد خضر .....

أنا انسان
أنا من يبحث عن إنسانة فى غابة تقنعت فيها الوجوه
وحُجبت الحقائق
وجدتها
كانت قطرة لــــــــ بدء غيث....!!!
انتظرته أودية الحرمان طويلا ..!!
كانت ندى عانق ورقة
سهرت الليل لــــــ تصل لــــــ تلك اللحظة...
كانت شمس أضحت معطفه فى زمهرير الشتاء
وذات دفء
همست الشمس
أطلب ما تريد
فــــ تمتمت
عطاؤك لا تتوقف قوافله
يا ملهمة ابن يوسف وعنوانه فى الحياة
شمعته فى ليل الجحود
زهرته فى تصحرات الجفاف
أَيـــا يداً حنوناً داعبت أوتارى
فـــــــ اهتزت قدود الأحاسيس لـــ نغمها
وابتلت لها الآذان بعد طول ظمأ ..!!!
اتصايح
انا هذا وهى تلك
قولوا فُتنَّا
قولوا جُننَّا
ستعلو فى الروابى الخضر آهات النشيد..!!!
أوَ يصلب الــــــــــــــ عبدالفتاح ثم نقول
 أن الشعر يعجبنا ويطربنا القصيد...!!!!!!؟

💔

💔💔 بتقولولي أنساه 💔💔💔

انسي ازاي حبيب ملك مني الوجدان

و غصب عنه فاتني للوحدة والحرمان

كان لي هو السند وكمان الأمن والأمان

بتحامي فيه من قسوة الناس والزمان

ده أنا لو يوم نسيته انسي نفسي كمان

مهما يعدي العمر فاكرة همسه والألحان

بعده الأيام صعب أعيشها وبتمر أحزان

بقلمي **** سعدية مصطفي ****

بنت الريف
.............
عشان ف جمالها شئ تاني
ماهوش موجود ف أي مكان
عشان فيها الجمال ألوان
بلون الخُضره طلّتها
وضحكتها ..
بطعم الفجر لمّا يبان
أشوفها أحس بالتوهان
م انا العاشق جمال عودها
وانا اللي الورد ف خدودها
يخلّيني ف لحظه ضعيف
أنا العاشف لبنت الريف
وانا اللي صعيدي من قِبلي
أصون العهد طول عمري
واحافظ ع الأوصول حتى
 ولو حطّوا ف رقبتي السيف

وبنت الريف ...
بلون الخُضره والميه
تشوفها وقاعده ع الترعه
تقول البنت دي حوريه
وجنّيه
بتسحر أي قلب يفوت
وتخطف م العقول تخاطيف
ماهيش واحده من البندر
ولا أبدا بتلبس شاش
دي تقدر تمشي تتغندر
وما بترضاش
وتلمحها ف عز الصهد
بتوب كاسي لحد الأرض
ماهي فعلا تصون العرض
ومنها العفّه تتعلّم
 معاني كل قلب عفيف

ف صوتها معاني للرقّه
ويمكن سيمفونية بوح
وفيها الروح ..
كما البلسم
كما الترياق
ماهي المفطومه ع الأخلاق
وع التقاليد
ف طلّتها هلال العيد
وخطوتها نسيم الصيف
دي بنت الريف
 ........................................

محمد ابو العبادى

معرفش كام م العمر عدا...
معرفش كام
لما اتفاجئنا بالوجع..
واتفاجئنا بالخصام...
كات روحى ساقيه...
وروحه كات شريان أمان
أصبله النيل يبدره ....
تغرق شقوق الأرض 
وتخضّر غيطان.....
دلوأت فين..
رقص العصافير والغنا فوق العيدان؟؟
ولّى زمان الزقزقه..
وللا غابت من قلوبنا ..
نبضة الشوق اللى كان؟؟؟
معرفش كام م العمر عدا....
معرفش كام......؟؟
كنت اشوف روحه تغازلنى وكأنها 
كائن وجودى وله وجود..!!
كنت من غير ملمح ملامحه أسمعه 
عازف بيعزف بالوجع غنوة شرود..!! 
-----------------------------------
من قصيدة نبضة الشوق
 من ديوانى الأول

(((////... ف البالوظه!!...////)))
ه ه ه ه ه
صدقونى لأحسن اكدب 
وتشيلوا ..ذنبى بعد موتى 
صدقونى انى بأكتب..
حلم حرفى ..ملو صوتى
كل نقطه وأى فاصله ..
للمواصله ..ف حب توتى
من وريدى ..يجيى عيدى 
بعد عيدكم ..صدقونى ..!
ه ه ه ........
انى شوفت الشمس ..
راجعه مفرفشه ..
جايبه حكم بالبراءة
لكل حالم انتشا ..
جايه تفتح ..كل طاقه
فيها طاقه ..للخشا !
فيها صبر ..يمد عمر
عقل قادر ع العشا..
جايبه تانى ..برتقانى 
من عركم صدقونى ..
ه ه ه ........
لما اشاور ع البواير ..
وكل توهه ..و الوجع 
قلب فاير بالغرام ..
وعقل ثاير ..ع الرقع
أرض ضاقت بالوداد ..
والعناد اللى ..صرع
حلم امه بكل همه ..
ولما نبقى ..مرتجع
حد عاجز ع السمع ..
صدقونى ...........!!
ه ه ه .........
لما اقول ان البلاده ..
هتبقى عاده ..للعيال 
واللى واقف ف المخالف
هو شايف ..انه عال 
والمخالف للمخالف ..
لسه خايف ..م الخيال
تبقى توهه ..سبكوها 
خلق تالته ف الشمال ..
صدقونى ............!!
ه ه ه .........
لما حد يشد ..حد 
نفسه ينده ع النهار 
وكل حد عنده..حد !
له مضاد ..ف الحوار
حد واهم انه ..فاهم 
والبهايم فى انتظار ..
لما بقره تقول ..يابكره 
ولما فاره تقول يا فار ..
واحنا لسه ..ف الباوظه !
كل عوزه عايزه ..جوزه 
ونار شرار..
بعقل اشول ..للتبول 
وعقل تانى قام يقيل ..
عقل عيل مليان ..عفار
ياحمار ..يا حمار ...!!
فين طريقنا ..للنهار ؟!!
صدقونى ...........!!
ه ه ه .........
العجايب ف الدنيا ..سبعه 
واحنا لسه بنقول يا باتعه ..
هدى سر الولد تسعى ..
هدى صوتنا ..الخلق سامعه
ع المباشر ..والمشفر..
كل دفتر ياما كفر...
ف المطالعه والمراجعه 
هو مولد واحنا ..صاحبه 
يبقى عيبه لو نبوح به ...
بس لازم نبقى حد ...
بالهداوه ..نقول لبعض
كيف بنسأل وكيف نرد..
وكيف يعطر قلوبنا ..ورد
صدقونى ..كلام بجد ..
القضيه ..حد.....حد !!
مش بنايه وناس ..تهد ..
صدقونى ............!!
ه ه ه ه ه ه ه ه 
الشاعر ابراهيم القاضى ..12 مارس  2016