جبال الصمت(((بقلم // طه إبراهيم)))

جبال الصمت(((بقلم // طه إبراهيم)))

جبال الصمت

@@@@@@@

يا جبال الصمت فوتي

نفسي أخرج من سكوتي

نفسي أسمع مره صوتي

نفسي كل الدنيا تسمع

كلمه مني قبل موتي

قبل ما تفتش جيوبي

تلقي ورقه ف إيد حنوتي

تبقي نفسك مره تسأل

عن كلامي عن سكوتي

عن تاريخي عن وجودي

عن حكايتي ف الحياه

عن خشوعي للإله

عن بكائي عن جمودي

يا سنين الغلب فوتي

نفسي أخرج من سكوتي

وامسح الدمعه ف خدودي

والقي نفسي وسط أهلي

بانزع الخوف من حدودي

وابقي عايش زي غيري

نفسي أخرج من قيودي

نفسي اٌقول اللي ف خيالي

بس مش قادر لساني

مره واحده فك مني

نفسي يرجع ليا تاني

حتي قلمي كان ف إيدي

كان بيكتب من وريدي

كان يترجم عن جراحي

كان صديقي كان رفيقي

كنت أهرب منه يجي

كان بيغضب من سكاتي

كان يلازمني يوماتي

كان يسجل عن حياتي

ياما قال لي قول يا شاعر

أي كلمه حلوه منك

حتي همسك والمشاعر

راح وسبني مره واحده

حتي مش فاكر نشيدي

يا جبال الصمت عيدي

قولي عني أي حآجه

أي نبضه من وريدي

أي همسه من كلامي

نفسي توصل يوم حفيدي

يعرف إني كنت جد

وإن عمري ما خنت حد

وإن قلبي كان ملاذ

كنت بعشق باعتزاز

كنت أضم كتير ألآف

كنت احب الناس تسامح

مهما كان الاختلاف

كنت احب الناس تصالح

واكره الغشم العجاف

هو دا كان طبعي دايما

عشت عمري ع العفاف

@@@@@@@@

بقلم // طه إبراهيم