أحضــان الوجــع (((كلمات / سيـد الـدابـى الأبنوبــى)))

 أحضــان الوجــع (((كلمات / سيـد الـدابـى الأبنوبــى)))

***** أحضــان الوجــع *****
يا قلبــى .....
كتب الهوى جـوّاك
مليون جرح وآلم
وسنين وجع وآهات
عايش حياتك عدم
والحلم فيك مات
زى أوراق الشجر
فى فصل الخريف رماد
والمحتمل ...
أكيد والف نعم
غطى الجبين الهم
والجرح داب فى الدم
جوه عروقى آهات
والفرح هجر ومات
قولت نصيبى أتظلم
آيه العمل ...
لملمت قلبى فى كفن
وبأيدى حفرت قبره واندفن
وحلفت الف قسم
بكره حـقدم للزمن
الف أعتذار وأعتذار
لاجل اللى باعك يتحسر
أنا كنت فاكر ...
قلبه لقلبى وطن
***************************
أسف يا قلبى ...
كان بدّى أحقق حلمك الوردى
أختارلك سكتك نور وتعدّى
أتارينى سقيتك بأيدى كاس المر
غـرّقتّـك فى بحور أوهام بلا بر
رميتك فى حضن البرد والطل
خلاص يا قلبى ...
لاكنت فـ يوم حبيبه ولا نصيبك
أقفل بابك للـهوى أحسن يصيبك
أوعى تسيبه فى يوم موارب
ومن نفس الكاس تروح شارب
تعالى ننسى حالى على حالك
ولو مِلتْ فـ يوم منّك
م تتبعنيش ...
ولو صابنى الجنون أبعد
لاجل تعيش ...
ولو سألوك فـ يوم عنى
قول سارح مع الدراويش
**********************************
كلمات / سيـد الـدابـى الأبنوبــى
( حقوق الملكية والنشر محفوظة )