الجرح ياما بيعلم /// لخالدالمنصوري ؛؛؛

الجرح ياما بيعلم
الجرح ياما بيعلم..انا منك اهو اتعلمت
ده سنين وياك بتألم..وانا ياما عليك صبرت
هاتعيد وتزيد وتأفلم ..ماكفاية انا اتعذبت
بتقول حورات ومسلم ..ان انت اللي استحملت 
ماتسيبني خلاص وتسلم ..علي حبك انا اترحمت
علي ايه هابكي وهاندم ..ده انا حتي في حقي سامحت
وكمان هامضيلك وابصم ..وهاقول انت اللى بدأت
تعاندني يوماتي وتظلم ..ومش عاجبك اني تعبت
مش كنت لروحك تؤام ..ليه ناسي ازاي كنت
تتمني معاك اتكلم .. وكان حلم لو انا قربت
وتعيش فى هوايا متيم.. دلوقت انت اللي زهقت 
انا ببني وانت بتهدم ..وخلاص علي قلبك هونت
ده انا كنت لجرحك بلسم ..وانت اللي فى جرحي شمت
ماتكبر راسك وارحم.. ده انا منك والله يئست
وبخبي فى قلبي وبكتم ..ودموعى كمان نشفت
ارجع من تانى اتعشم ..والاقيك انت اتغيرت
مع نفسك بقي روح نغم.. ولحنها لو اتعلمت
صدقت ان انا مش هاندم ..مش راجع خلاص انا فوقت
ده الجرح فى قلبي معلم ..صدقنى انت اللى خسرت
خالدالمنصوري
13/8/2016