بقلم الشاعر\عبدالهادي غزال (بتوحشني)

بقلم الشاعر\عبدالهادي غزال
بتوحشني
برغم القرب بتوحشني
برغم ان انت جوه القلب
بتوحشني
حتي وانت جوه الحضن
بتوحشني
مابالك لو في يوم تبعد
هتوحشني
لا ياحبيبي ده بعادك
عني اكيد هايجرحني
بتوحشني
بلاش تبعد بلاش تهجر
وعن قلبك ماتبعدني
حروف الحب لو تبعد
في قلبي هتالمني
بتوحشني
كلام الحب والاشواق
وسهر الليل للعشاق
اما انت ساكن روحي
وعقلي وقلبي وف دمي
بتوحشني
نظرة عيني لعيونك
بتخلي الحياه جنه
بتفتح ورود بساتين
وبشوف الحياه بمبي
بتوحشني
ولو ناوي خلاص تهجر
او ناوي في يوم تغدر
ياريت ياحبيبي ماتنساش
قلوب حافظت علي عهدك
وعيون سعدها في لقاك
ودموعها علي بعدك
امشي وسيبني بالالم
جوه قلبي اللي اتظلم
يمكن تلاقي فرح قلبك
في بعادك بعيد عني
بتوحشني