(احساسي بيك... حبيبي..) هدي غريب
السلام عليكم ورحمة الله تعالى وبركاته
(احساسي بيك... حبيبي..) هدي غريب |
(احساسي بيك... حبيبي..)
خبيني بين ضلوعك..
خوفي يموت وانا وياك..
سكني جوا قلبك...
خليني اعيش في حماك..
اسقيني من حنانك..
شبعني من هواك..
قلبي راح غصب عني..
ساعة ما حس بيك...
سابني وده مش بايدي
وراح ينده عليك.
يطلب رضاك وكأنه
ماعاش يوم قبليك..
حبيبي حس بيا...
دانا كل همسه فيا...
بتقول مشتاقه ليك...
بتقول حبيبي خدني...
قلبك مكتوب لقلبي
من يوم ماشاف عنيك..
وروحي راحت مني
في لمسة من ايديك..
احساس غريب ملكني...
وكآنك كنت مني...
وانا كل عمري ليك..
......................................
انا عشت عمري كله..
مسجونه جوا خوفي...
كل ارتباطي بقلبي
كلام خطاه حروفي..
حتي الكلام كمان..
محبوس بقيود حروفي..
خرج الكلام وياك.
وسلسل قلبي بيك..
حول هموم الدنيا..
لشمعه من ضيا عنيك..
نورت الكون لقلبي..
نورته وانت جنبي..
وانا من شوقي اليك..
الدنيا بحالها عندي..
ماتسوي حبي ليك..
هدي غريب
نسخ الرابط | |
نسخ للمواقع |