ادينا عايشين. / لراقية القلم هدي غريب

ادينا عايشين. / لراقية القلم هدي غريب

ادينا عايشين....

وبنداري دموع في عنينا..

بضحكة حزينه..

بنظرة تفاؤل بتكدب علينا..

وادينا عايشين..

وسجنين دموعنا في ماضي اليم..

بنعيش ذكريات..

مفهاش غير أهات 

وبنضحك علينا 

وعملين مبسوطين..

وادينا عايشين..

كأن حياتنا مفهاش غير دموع.

ومش عارفين مصيرنا

ولا طريق الرجوع..

وازاي ممكن نرسم

الفرحة بين الضلوع..

واعيشك ياعمري 

ياللي ضعت مني 

في توهت السنين..

وياريتك عارفني..

انا البلياتشو 

اللي لو غسلت وشه..

هاتلقي ملامح 

مش نفس الملامح

هاتلقي رتوش. 

انسان ماتعرفوش..

انسان كئيب حزين 

حامل همومه وفيها سجين 

ياريت تفتكرني..

انا البنأدم اللي ضاعت اماله 

قصاد عيونه..

مات الحلم منه 

ومقدرشي يصونه..

انا اللي زرعت الصبار في ارضه 

لكنه ماخدش من صبره 

غير قسوته ومره 

وياريته قدر علي قهر السنين..

وادينا عايشين..

ياريتك يابكرة.. تجينا انهارده.. 

بفرحة تنسينا الجراح والانين. 

تسلسل همومنا 

في زنزانة الجراح.. 

وتبني مابينا وبينها سدود 

تنسينا اللي راح...

ونعيشلنا يومين 

ونقول عايشين.. 

هدي غريب