مبروك علوه - يكتب / ☆(ذنبى ايه)☆

☆(ذنبى ايه)☆

ذنبى أيه غير إنى عايش 

ذل وقهر في كل مكان

ليه أعيش حياتى ميت

ولا أعيشها حتى جبان

ليه ادفع عمري تمن لغيري

خوف ورعب ضاع الأمان

طب هيكون ايه مصيري

غير إنى ضحيه للزمان

صرخت بأعلى صوتى

وصوتى مش واصل الودان

الحبايب نسيو المحبه

وضاع من قلوبهم الحنان

و اصحابى اتخلوا عنى

من الذهول جالى الجنان

القرايب إتدارو منى

والحب والود هان

الكل باع و أوام نكرونى

غدرو بيا علشان غلبان

الأكتئاب والفكر راكبنى

بقيت عايش فى التوهان

قلوب مافيهاش ذرة شفقه

ماليها الحقد ما فيها إيمان

بتقطع فينا وبتدوس

وفى اهل الباطل بتبوس

ولصحبتهم أنا ندمان

فين العدل فين الرحمه

فين اللى وصى به الرحمن

خفو لسانكم خفو سهامكم

ارحمونى دا أنا إنسان

☆☆☆☆☆☆☆☆☆؛

مبروك علوه