و راجع من تاني .......!!! للأديبة سمر علي ؛؛؛

و راجع من تاني .......!!!
و راجع من تانى تلوم 
راجع تقول انك لحبي
عمرك ما تخون 
بعد ما بعت 
بعد ما سبت قلبي بينك 
و بين الهجر مقسوم 
بلاش عتاب بلاش لوم 
كفايه أنى مت في بعدك 
بدل المره مليون 
قل لي فاضلي ايه تانى ...؟؟!
ما بقالي منك غير ذكرى 
حتى أنت فيها أناني 
خدت منها الفرحه 
و فايت لي الأحزان مليانى 
و راجع من تانى تقول
تردد و تعيد اللوم 
و يفضلي سؤالي ...!!
وجوابه سكاكين قتلاني
ياتري لسه بتشتاق ...؟؟!
يمكن تكون لسه ....!!
و يمكن نستنا في نسوة...!!
لكن لسه.......................!!!
لسه ليك في القلب دقه
بس مدبوح ................!!!
و اللي دبحه عنده مش فارقه
و الدمع لساه بيجرى 
علي الخدود ناره حارقه
و الجرح لسه ما طاب
لسه بخاف من بكرا
بخاف من الحب 
....... ......و لو فكره
و تكون من تاني أنت
.سمر علي