متفتت يا القلب / للشاعر عبد الله الهوارى

متفتت يا القلب / للشاعر عبد الله الهوارى

متفتت يا القلب

حبة فرافيت

بتدق ع الابواب

والابواب متسنكرة

بتنده ع الحب

والحب بعيد

وبكرة العيد

وقمرك غا ب

عيونه مستكترة

عليك الفرح

عيد ف جرح

من بكرة الصبح

قيد شموعك ف الضلوع

واقف ف الصف

بس خليك ورا

يمكن بالليل

قمرك يهل

وف ايده حبة ورد

وكام شمعة

وتشوف النور

وتعيد مسرور

اخر انسجام

وتنسى الخصام

وان جاك الدور

و ملقتش قمرك

بين الحبيبة

ما تلفش وتدور

وما تقولش لحد

اطفى شموعك

بالدمعة

وان حد سألك

قول خلص الكلام

سنة من سنة قريبة

_________

عبد الله الهوارى