ليه اشوف - بقلم / احمد صبري

ليه اشوف - بقلم / احمد صبري

ليه اشوف صورتك

احمد صبري

-

وليه اشوف صورتك

لو هي بتبكيني

لا مني قادر اضمك

ولا منك بتشوفيني

ودموعي تنزل ليه

بحبك وبتحبيني

طب انتي عاملة ايه

والله

وحشتيني

-

ليه اشوف صورتك

كفايا فيها عينيكي

بيطلع منها صوتك

بيطمني عليكي

احساسي بيكي اني

راحت روحي فيكي

روحتي غصب عني

وانا بموت بعديكي

-

ليه اشوف صورتك

اكيد علشان بحبك

ولو ماجيتش زورتك

بقوي قلبي وقلبك

اصله لسه ماتخلقشي

اللي يحكم فين اقابلك

واحنا ايه ماينفعشي

نركع غير للي خلقك

-

ليه اشوف صورتك

اكيد لانك ضنايا

همسه وحشني حضنك

وضحكك ولعبك معايا

الله يجازي السبب

حرمك تكوني معايا

حاضر يا دنية العجب

بكره نشوف النهاية